Patxivduaj
Hmoob tej tub .....tus mi lav nyuag
nim zoo cuag ......mi txiv nraug suav
ntsia tsis dhuav ...thaum luag lis ntxhi
xav txav ti ...........nyob ntawm ib sab
nrog sib thab .......hais lus qab zib
zaum sib ib ......sib khawm sib puag .....
os hmoob tej tub tus mi lav nyuag.Kevin
niam leej ntxhais ......tus luag nyuj nyav.
koj txawj xav ............kuv thiaj xav thab.
cev koj npab ............pub rau kuv tuav.
saib tsis dhuav .........vim koj txawj luag.
lub ntsej muag .........hais lus luag ntxi.
xav txav ti ................koj lawm leej muam.
thawj kauj ruam .......ntawm kuv tus kheej.
xav paub meej.......... koj yog leej twg.
ntaus phooj ywg .......thaib puas yuav tau.
thov koj sau .............ib npes me ntawv
tias qhov ntawv .........yeej tsis ua cas.
ntshe kuv mas.......... yuav zoo siab tshaj.

Patxivduaj
Niam leej ntxhais...... hu patxivduaj
puas yuav muaj ........npaum koj hais tau
cia muab sau ...........qhia koj me me
tias txav ze ..............thiab tuav tes xwb
hmoob nkauj xwb ......tsis xav li cas
pom koj tas ..............siab nyob tsis tswm
muab koj zwm ..........rau hauv zaim muag
xav tuaj cuag ............koj ib zaug dua os
hmoob tej tub tus mi ntxim tshua aw.... 
Kevin
patxivduaj ...............tus zoo ntxim tawb.
koj txawj tshawb .......sau lus paj huam.
me leej muam ..........koj sau tau zoo.
ntau lub xyoo ............uas tau dhau los.
kuv nyob tos .............tus zoo li koj.
yuav tuaj coj .............kuv sau paj huam.
sau sib tshuam .........hais lus sib chab.
ntau ntau kab ...........koj sau tawm los.
kuv muab kos ...........tseg rau nruab siab.
qhov tshiab tshiab .....kuv muab khaws lawm.
ua chaw kawm .........rau kuv tus kheej.
yog tsis xyeej ...........rov tuaj sau dua.
kuv mam ua .............koj ib tug khub.
txhua txhua hnub ......mam tuaj nrog sau.....
Patxivduaj
Leej nus hmoob ........tus mi lus mos
yuav tuaj tos ............nrog koj txuas lus
thov txhob mus ..........txhob khiav kuv nawb
rov tuaj txhawb .........kom lom zem xwb
txawm kuv twb .........tsis txawj sau los
lam kos kos ............ua dig ua dog
yog tuaj txog ...........no tsis txhob luag
tsam txaj muag........ nrog koj ua khub
es ib hnub ..........xwb ntev ntev nawb........
txiv leej tub tus ntxim tawb. 
Kevin
patxivduaj ................tus neeg lus mos.
kuv tuaj tos.............. koj rau ntawm no.
tsheej tag hmo .........kuv tseem los nyeem.
txhua txhua seem...... ntawm koj cov lus.
tias leej nus ..............tus ntxim ntxim tawb.
koj hais khawb.......... tau kuv nplooj siab.
coj mus ziab............. tiv tshav tiv nag.
lub zog tag............... ntshai koj dag kuv.
los yuav uv............... rau koj ib leeg.
yog tsis ntseeg.......... kuv mam tsa tes.
yam tus ntses........... yeej kawg tus dej.
tsuav muaj nej ............peb yeej zoo siab ........lawm mog...

Patxivduaj
Kevin,
kuv twb cheem........... tsis tau tus kheej
vim koj pheej ..............hais lus qab zib
yuav tsis dib ...............koj tso pov tseg
thiab tsis veg ..............koj mus ib txhis
tsuav koj tsis ..............ci qos kuv zov
yeej yuav thov............. nrog koj tib leeg
los ua neeg ...............nyob rau tiam no
yuav tsis tso ..............koj los tsa tes
kom koj nres .............tas txhua tsav yam
yog koj kam ..............los ua kuv khub
yeej yuav hlub ............koj mus ib sim
kom txhob nkim......... lub neej tiam no......
tus mi ua rau kuv nco nco aw...... 
Kevin
cas zoo siab--------ua luaj leej muam.
tsis hais thuam------koj yeej zoo hlub.
txiv leej tub-----------yeej hais tiag tiag.
yeej tsis nyiag------koj nplooj me siab.
coj mus ziag---------kom nkig ua hluav.
yuav tsis rhuav------koj txoj kev zoo.
vim muaj hmoo------wb thiaj sib ntsib.
lus qab zig------------thiaj li hais tawm.
yuav sawv ntawm----ib sab nrog koj.
yuav thov coj----------koj nrog nraim kuv.
thiab yuav uv----------tsis pub koj chim.
kom txhob nkim------txoj kev sib hlub tiam no ......no mog.

Patxivduaj
Kevin ..................tus mi neeg zoo
twb zoo xyoo .......wb thiaj sib ntsib
kuv yuav qhib ........lub siab txais koj
nco tsis ploj ..........thaum koj luag ntxhi
xav pw nthi ............ntawm koj xub ntiag
yog muaj tiag ........thov kom sib tau
daws puas tau....... txoj kev nco koj
mov tsis noj ...........tsis hnov tshaib plab
ua neeg npab ........zoo li xiam hlwb
vim kuv twb ...........nyiam koj lawm nev
txhob mus ntev ...... tsam kuv quaj quaj
es rov qab tuaj nawb..... 
Kevin
Patxivduaj ..............tus neeg sawm hlub.
kuv yuav pub ..........kuv txoj kev nco.
muag tag nrho ........rau koj ib leeg.
thov koj ntseeg ..........kuv yeej hlub koj.
yeej siab loj ..............txaus qhov hlub tau.
kev niam yau ............kuv tsis ntshaw lawm.
ua txij nkawm ...........tsuas muaj koj xwb.
nyob ntawm wb ..........lub cuab lub yig.
sawv sib txig ..............hais lus sib hwm.
nyob sib swm ............kom luag ntshaw wb.
tsis khib dwb .............yuav mloog koj hais.
kom niam tais ............lawv muaj kev vam.
thiaj tuaj tsham ...........saib wb lub neej.
txhua txhua leej ..........thiaj li ntshaw wb .....mog.
Patxivduaj
Nraug hmoob lis .............tus mi siab loj
koj nim coj .....................tau cwj pwm zoo
nim seev loo ..................tau raug kuv siab
xav muab ntsiab............. rub kiag los hnia
mam li qhia ...................tias kuv hlub koj
nyob tsis ploj ................ntawm lub ntsiab muag
xav tuaj cuag ................tuaj ntsib koj kiag
nyob ib pliag .................seb siab puas kaj
kuv yeej npaj .................hlub koj los ntev
ua niam tsev .................zoo zoo rau koj
ua koj noj .....................ua rau koj hnav
kom luag cav ................wb lub mi neej
muaj qee leej ................thiaj zoo li koj
es txawj coj ..................kom txawj sib yoog
txhua lub nroog .............thiaj li ntshaw wb os......mog. 
Kevin
muaj sij hawm............... tuaj tsham saib peb.
txawm nyob deb ............los siab nyob ze.
muab lub npe ................thiab cov tes ntawv.
coj los sawv ..................nruj nraim nruab siab.
muaj pua txhiab .............los lus xav qhia.
muab npog cia ..............sib ntsib mam tham.
seb puas tam................. tau txoj kev nco.
tias kuv ho .....................nco koj npaum cas.
thaum kuv ras................ tias koj zoo tshaj.
kuv thiaj npaj ..................kuv txoj kev hlub.
yuav muab pub ..............rau koj ib leeg .......lawm xwb mog.
Patxivduaj
Pajtxivduaj ...................yog neeg phem quav
txiv nraug suav ..............li koj tsis ntsia
kuv mam qhia ...............kom koj paub meej
koj yuav xyeej ..............tsis tuaj ntsib lawm
yuav dhia khawm ..........mi ncej xis mas
plig poob tas ................vim ntshai kuv xwb
vim tias wb ..................tsis zoo sib phim
ntshe yuav nkim........... koj cov lus zoo
tsis paub nroo ..............mus qhia leej twg
kev phooj ywg ..............koj tsis ntaus lawm
thiaj khiav tawm ............hauv hmongfreedom lau!...yom? 
Kevin
kev zoo nkauj------ twb noj tsis tsau.
xum cia tau-------- nplooj me siab dawb.
hais lus txhawb--- ua chaw cuab zog.
yuav tsis yog------- xaiv tus zoo nkauj.
ntxawm poj nrauj----- thiab yog poj ntsuam.
yuav tsis thuam------- thiab yuav tsis xaiv.
tus paiv paiv -----------thiab qig qig taub.
yuav sib ntsaub------- nrog nws ua neej.
hais meej meej------- kuv yeej hlub tiag.
tus yiag yiag---------- thiab tus siab siab.
plu tshiab tshiab----- li tus NaasEj.
yuav tsis ntsej --------thiab yuav tsis ntsia.
xum muab cia-------- rau tus hlub yus........xwb mog..
Patxivduaj
Mi leej nus……hais zoo ua luaj
xav kom muaj…..npaum li koj hais
yog tau txais……koj txoj kev hlub
yuav tsis pub……koj ntshaw lwm tus
hlub koj mus……kom txog hnub laus
hlub kom txaus……tam txoj kev ntshaw
koj lub chaw……..muaj wb ob leeg
kuv mam ntseeg……tias koj hlub tiag
yuav tsis nyiag……..lub siab qha qhuav
vim tau yuav…….koj lawm tiag tiag! 
Kevin
txhob poob siab ......tus neeg kuv nco.
thov koj tso ............siab tau rau kuv.
kev sib uv ...............yog qhov loj tshaj.
hais ncaj ncaj .........txog kev niam txiv.
lub keeb chiv ..........yog siab luv dhau.
uv tsis tau ..............rau tus txij nkawm.
lub sij hawm ...........muaj kev chim siab.
pheej muab ntiab .....ua lwj ua liam.
neej thiaj piam .........raws li pom los.
tej lus mos.........kuv mam thau siv.
ua tus txiv ..........zoo zoo rau koj.
yuav tsis coj ........lub siab nqaim nqaim.
kom neej paim......thiab nchuav mus tag.
qhov lawv mag.......vim yog tej no.
thov koj nco...........kuv yuav coj txawv.
yog tau sawv .........ntawm koj ib sab.
mam muab npab.....tiag rau koj ncoo.
niaj puag xyoo........yuav coj li qub.
yuav tsis pub .........kom txawv mus li mog

Patxivduaj
yog muaj hnub........kuv los tau koj
kuv yuav coj...........kom haum koj siab
lo lus ntiab..............kuv yuav tsis siv
rau tus txiv..............coj zoo npaum koj
ib pluag noj.............tsis pub kom tshaib
nrhia haib haib.........rau koj tau hnav
kev sib cav..............tsis pub tshwm sim
thaum koj chim........los kuv yuav ntxias
ua siab txias............hais lus zoo zoo
pes tsawg xyoo.......los tseem zoo li qub
txoj kev hlub..........tsis muaj hnub tsuag
kom vam cuag........li xub mi ntab
thiab yuav pab.......koj txhawb lub neej
kuv tus kheej.........yuav ua siab dav
yuav muab xav.......kom mus deb deb
es wb lub neej........tsuas muaj ruaj cuag ze khov cuag tsua xwb .....mog. 
To be Continue